"လုံး၀ မစမ်းသင့်တဲ့ မြန်မာ့ရိုးရာ သရဲခေါ်နည်း ၅နည်း"

"လုံး၀ မစမ်းသင့်တဲ့ မြန်မာ့ရိုးရာ သရဲခေါ်နည်း ၅နည်း"

ကိုယ် ကတော့ ထောက်ကြန့်မှာ Camp နေတုန်းက အမဲသားနဲ့ ခေါ်ဖူးတယ်...။အမဲသားတုံးကို လာဆွဲတာ.... ဘာမှမမြင်ရပဲနဲ့... အမဲသားတွဲကြီးက တရွတ်တိုက် ပါသွားတာ....။ နောက်...သူတို့ကို ပြန်လွှတ်ရတာ တော်တော် ပြောယူရတယ်..။ ဒါကြောင့် အတွေ့အကြုံမရှိရင် လုံး၀ မစမ်းတာ အကောင်းဆုံးပဲ....။

လွယ်လွယ်လေးနဲ့ ပြန်လွှတ်လို့မရဘူး...။ တော်သေးတယ်...အဆောင်မှူးက နည်းနည်း ပညာတတ်လို့...နို့မို့ဆို... ကိုယ်လည်း စမုံတုံး နေလောက်ပီ....။ 😅

Stay Home ကာလ အိမ်မှာ နေရင်းနဲ့ ... စကားပြောဖော်မရှိရင် ခေါ်လို့ရအောင် တင်ပေးလိုက်ပါတယ်လို့...။ စတာပါ .... စတာပါ 😜

မြန်မာ့ရိုးရာ သရဲခေါ်နည်း ၅ခုပေါ့။ ဗဟုသုတ အနေနဲ့ သိသင့်အောင်ပဲ ဖတ်ကြပါ... လျှောက်တော့ မစမ်းသပ်ကြနဲ့ နော်...။ 🙄

ကဲ..... အိမ်မက်ဆိုးလေးတွေ မက်ကြပါစေဗျာ....

Soruce - ကိုဝင်းမျိုးခိုင်ရဲ့ .. မမြင်တွေ့နိုင်တဲ့ ပရလောက

Sincerely Credit To AKo Win Myo Khaing

မှတ်ချက် ။  ။ Burmese Creatures က ပြန်လည်မျှဝေခြင်းသာဖြစ်ပါသည်။

 ၁။ မျက်ရည်ဖြင့် သရဲခေါ်နည်း

အကောင်အထည်မဟုတ်တောင်မှအရိပ်အယောင်မြင်ရတတ်တာမို့ကိုယ့်စိတ်ကိုကိုယ်နိုင်မှစမ်းသပ်စေချင်ပါတယ်။

ပထမဆုံးလကွယ်နေ့ညနေမှောင်ရီပျိုးစအချိန်မှာကိုယ့်ဘဝမှာဝမ်းနည်းကြေကွဲဖြစ်ခဲ့ရတာတွေကိုပြန်လည်တွေးမြင်ရပါမယ်။မျက်ရည်တတွေတွေကျလာတဲ့အထိတွေးနေရပါမယ်။

ကျလာတဲ့ မျက်ရည် တွေကို မိမိ ရဲ့မျက်ခုံးနှစ်ခုဆုံးရာအလယ်အစပ်နား(တတိယမျက်လုံးဟုခေါ်ဆိုသည့်နေရာ)မှာစိမ့်ဝင်ပြီးခြောက်သွေ့သွားတဲ့အထိသုတ်လိမ်းပေးပါ။

ဒါကဒုတိယအဆင့်ပေါ့။

ပြီးတာမှနှစ်နှစ်ခြိုက်ခြိုက်အိပ်ပျော်သွားအောင်အိပ်လိုက်ပါ။သတိပြုရမှာကအိပ်ရာကနေညသန်းခေါင်(ည၁၂နာရီ)မတိုင်မီထပါ။ကျော်သွားရင်အသုံးပြုလို့မရပါဘူး။

အိပ်တဲ့နေရာမှာလည်းပက်လက်လန်ပြီးလက်ဖဝါးများကိုပါပက်လက်လှန်အိပ်ပါ။

အိပ်ရာ ကနိုးထလာရင်တော့မိမိဟာသူရဲတစ္ဆေအစရှိတဲမမြင်အပ်တဲ့အရာတွေကိုမြင်နိုင်စွမ်းရသူဖြစ်ပါပြီ။မျက်နှာမသစ်မချင်း၊အပေါ့မစွန့်မချင်းမြင်နိုင်စွမ်းရှိပါတယ်။

ဒါပေမယ့်သူရဲတစ္ဆေ ကိုမြင်တွေ့ရတဲ့အခါမမြင်မတွေ့သလိုဘဲဟန်ဆောင်ပါလို့အထူးသတိပေးချင်ပါတယ်။ဒါအရေးကြီးပါတယ်။

သူရဲတစ္ဆေ တွေကသူတို့ကိုမြင်တဲ့သူကိုအရမ်းတောင့်တကြပါတယ်။သူတို့ကိုမြင်တွေ့တဲ့သူရှိမှသူတို့ကဝင်ရောက်ပူးကပ်လို့ရမှာကြောင့်ပါ။

သူရဲတစ္ဆေ တွေကသင်သူတို့ကိုမြင်တွေ့တာကိုသတိပြုမိတယ်ဆိုရင်ချက်ချင်းမျက်လုံးပိတ်ပြီးမျက်နှာသစ်လိုက်ပါလို့သတိပေးချင်ပါတယ်။

ဒီနည်းကိုစမ်းသပ်စဉ်ကကျနော့်သူငယ်ချင်းတစ်ယောက်ဟာသေလုနီးနီးအထိကြုံခဲ့ဖူးပါတယ်။ဖြစ်တာကတော့သူမြင်တွေ့ခဲ့တဲ့ဝိဉာဉ်ကသူ့ကိုပူးကပ်သွားလို့ပါဘဲ။

အဲဒါကြောင့် ဒီနည်း ကိုကိုယ့်ကိုကိုယ့်စိတိထိန်းနိုင်မှစမ်းသပ်ပါလို့သတိပေးလိုပါတယ်။

၂။တံမြတ်စီးဖြင့် သရဲခေါ်နည်း

ဒီနည်းလေးကလွယ်သလောက်လူသုံးများပါတယ်။လကွယ်ညညဉ့်သန်းခေါင်(မနက်၂နာရီဝန်းကျင်ကပိုအလုပ်ဖြစ်ပါတယ်)

မှာလောလောလတ်လတ်လူသေထားတဲ့နေအိမ်ကတံမြတ်စည်းလိုပါတယ်။ရက်မလည်သေးရင်အကောင်းဆုံးပေါ့ဗျာ။အဲဒီတံမြတ်စည်းကိုပြောင်းပြန်ထောင်ထားပြီးရေလောင်းလိုက်ပါ။

ကျလာတဲ့ရေကိုခွက်တစ်ခုနဲ့ခံထားပါ။အမဲသားအနည်းငယ်၊ထမင်းဖြူအနည်းငယ်ကိုစကောထဲမှာထည့်ထားပါ။စကောရဲ့အလယ်မှာဖယောင်းတိုင်တိုင်ထွန်းပါ။

ပါးစပ်ကနေနီးစပ်ရာနာနာဘာဝများကိုဖယောင်းတိုင်မကုန်မီမှာလာရောက်စားသောက်ရန်ဖိတ်ကြားပါ။နာနာဘာဝလာစားမစားအားအမဲသားကိုလက်နဲ့အသာဆကြည့်ပါ။

ရှိသင့်တဲ့ အလေးချိန် ထက်ပိုလေးနေတယ်ဆိုရင်နာနာဘာဝလာစားနေပါပြီ။နာနာဘာဝလာစားနေပြီဆိုလျှင်ဖယောင်းတိုင်မကုန်မီပြန်ထွက်ရန်ပြောပါ။

ဖယောင်းတိုင်ကုန်လုပြီဆိုတာနဲ့ပြန်ထွက်ရန်ပြောပါ။ပြောပြီးပြီးချင်းတံမြတ်စည်းဆေးထားတဲ့ရေနဲ့မြေပေါ်မှာစည်းဝိုင်းတစ်ခုတားပါ။

အရေးကြီးတာကစည်းဆွဲတဲ့နေရာမှာနေရာလပ်ကျန်လို့မရပါ။

နာနာဘာဝခေါ်မည့်သူများသည်စည်းဝိုင်းအတွင်းဝင်နေပါ။ထို့နောက်နာနာဘာဝအားကျွေးထားသည့်စကောအားမှောက်၍ထားလိုက်ပါ။

အမဲသား နဲ့ထမင်း အားစည်းဝိုင်းနှင့်ကပ်ရက်တွင်ထားလိုက်ပါ။မှောက်ထားသည့်စကောတွင်တံမြတ်စည်းမှအစ၂ခုအားစိုက်ထားလိုက်ပါ။အစ၂ခုအားမှန်မှားသတ်မှတ်ပေးပါ။

ပြီးလျှင်စားသောက်ခဲ့သည်နာနာဘာဝများမှမိမိသိချင်သည့်မေးခွန်းအားစကောတွင်စိုက်ထားသည့်တံမြတ်စည်း၂စဖြင့်ဖြေပေးရန်ပြောပါ။

တံမြတ်စည်းစမှမှန်ဟုသတ်မှတ်ပေးထားသည့်အစလှုပ်ပြလျှင်စမေးနိုင်ပါပြီ။သတိပြုရန်မှာတံမြတ်စည်းစ၂ခုလုံးလှုပ်ပြလျှင်ဆက်လက်မမေးမြန်းပါနဲ့။

အစ၁စစလဲသွားလျှင်ဆက်မေးမြန်းပါနဲ့။မေးမြန်းပြီးသည့်နောက်တံမြည်းစည်းစ၂ခုအားကိုင်၍စည်းဝိုင်းအားဖျက်ပြီး(ကျော်ခွခြင်းမပြုရ)ထွက်ပါ။

လမ်းတွင်တံမြတ်စည်းစအားမကျပါစေနဲ့။မိမိသွားလိုရာရောက်လျှင်တံမြတ်စည်းစ၂ခုအားချိုး၍ပစ်ခဲ့ပါ။ဘာသံကြားကြားလှည့်မကြည့်ပါနဲ့။

၃။ကျောက်ဖယုံသီးဖြင့် သရဲခေါ်နည်း

နာရေးအိမ်ကမသာကောင်တင်တဲ့ကုတင်အောက်မှာကျောက်ဖယုံသီးထားတတ်ကြပါတယ်။အဲဒီကျောက်ဖယုံသီးကစပြီးခြောက်သွား၊ညိုသွားတဲ့နေရာကိုဓါးနဲ့ကွင်းယူထားပါ။

အသား တော့ပါရပါမယ်။ရလာတဲ့ ကျောက်ဖယုံသီး အသား ကိုသင်္ချိုင်းမြေအနည်းငယ်နဲ့ပွတ်ချေလိုက်ပါ။

ကျောက်ဖယုံသီး ကအသားတွေကြေသွားပြီဆိုရင် မြေကြီး ကိုပန်းကန် တစ်ချပ်မှာထည့်ပြီးအလယ်မှာပုံထားလိုက်ပါ။

ပုံထားတဲ့ မြေကြီး ပုံကအနည်းငယ်မာသယောင်ယောင်ဖြစ်လာရင်စသုံးလို့ရပါပြီ။ဒီနည်းကိုမိမိတစ်ယောက်တည်းစီရင်ရမှာဖြစ်ပါတယ်။အပြင်လူသိခွင့်ပင်မပေးပါနဲ့။

သုံးစွဲပုံကတော့ မြေကြီး ပုံထားတဲ့ ပန်းကနိပြား ကိုလရောင်တိုက်ရိုက်ကျနေတဲ့နေရာမှာထားပြီးတမာညွန့်လေးထိုးထားပါ။တမာရွက်ညိုးကျသွားခြင်းမရှိဘဲလဲကျသွားရင်အောင်မြင်ပါပြီ။

အဲ ဒီတမာရွက် နဲ့နာရေးအိမ်တစ်အိမ်အိမ်ရှေ့ကိုသွားပါ။သေဆုံးသူရဲ့နာမည်ကိုတပ်ပြီးတိုးတိုးခေါ်လိုက်ပါ။လေတိုက်ခြင်းမရှိဘဲ တမာရွက် ကလှုပ်ခတ်သွားရင်မိမိခေါ်တဲ့သူရောက်ပါပြီ။

မလှုပ်ခတ်ဘူးဆိုရင်တော့သေဆုံးသူဟာကျွတ်လွတ်သွားပြီဆိုတဲ့သဘောပါ။

မိမိ ခေါ်လိုက်တဲ့ ဝိဉာဉ် ရောက်လာပြီဆိုရင်ဘယ်သောအခါမှနေအိမ်တံစက်မြိတ်အောက်သို့ပင်မယူဆောင်ပါနှင့်။မိမိအလိုရှိရာခိုင်းပါ။တစ်ခုတော့ရှိတယ်။

မဖြစ်နိုင်တာတော့မခိုင်းနဲ့ပေါ့ဗျာ။အဓိကကတော့သေဆုံးသူရဲ့ဝိဉာဉ်ဟာမိမိထိန်းချုပ်ထားတယ်ဆိုတာမမေ့ပါနဲ့။

မိမိ ဆက်မထားချင်တော့ဘူးဆိုရင်နာရေးအိမ်တစ်အိမ်အိမ်ရှာပြီးအဲဒီအိမ်ရှေ့မှာချထားခဲ့ရုံပါဘဲ။နောက်ပြီးမှကိုယ်ကိုးကွယ်ရာဘာသာအလိုက်သူ့အတွက်ဆုတောင်းတာ၊

အမျှပေးဝေတာလုပ်ပါ။အထူးသတိပေးချင်တာကတော့စေခိုင်းတဲ့နေရာမှာအမိန့်သံနဲ့ခိုင်းတာထက်အကူအညီတောင်းသံနဲ့ပြောပါ။

မိမိ မှာအဲဒီ တမာရွက် ရှိတယ်ဆိုတာတစ်ဦးတစ်ယောက်မှမသိပါစေနဲ့။နောက်ထပ်သတိပြုစရာကတော့မိမိဆီမှာတမာရွက်ရှိနေတဲ့အချိန်ဘုရားကျောင်းကန်သွားခြင်း၊

ဘုရားရှိခိုးဝတိပြုခြင်းမပြုမိပါစေနဲ့။ဝိဉာဉ်တစ်ယောက်ကို၃ရက်အပြင်မထိန်းချုပ်မိပါစေနဲ့။စမ်းသပ်ကြည့်ပါ။ကျနော့်လက်တွေ့ပါ။ဒီနည်းလေးကိုမန္တလေးမြို့၊မင်း တဲအီကင်း ရပ်ကွက်မှာအောက်လမ်းဆရာမလို့နာမည်ကြီးတဲ့အမကြီးပေးထားတာပါ။သူကိုယ်တိုင်လည်းဒီနည်းနဲ့ဝိဉာဉ်တွေထိန်းထားတာပါ။ငရဲတော့ကြီးတာပေါ့ဗျာ။ 

၄။ငရုတ်ပင်ဖြင့် သရဲခေါ်နည်း

ပထမဆုံးလကွယ်ဖို့၄ရက်အလိုလူသူပြတ်တဲ့မြေကွက်တစ်ခုမှာအနက်၁ပေခွဲခန့်ကျင်းတစ်ကျင်းကိုကြိုက်တဲ့အချိန်တူးပါ။

ပြီးရင်သင်္ချိုင်းမြေလက်တစ်ဆုပ်ကိုယူပြီးတူးထားတဲ့ကျင်းထဲထည့်ပါ။အဲဒီကျင်းကိုရေလောင်းပြီးထားခဲ့ပါ။လကွယ်နေ့ည၉နာရီတိတိမှာတူးထားတဲ့ကျင်းမှာငရုတ်ပင်စိုက်ပါ။

ငရုတ်ပင်အပင်ထွက်လာပြီဆိုရင်အပင်ဘေးမှာနာရေးအိမ်ကရေအိုးခွဲထားတဲ့အပိုင်းအစတွေအုံပေးထားပါ။ပြီးရင်အသီးသီးတဲ့အထိစောင့်ပါ။

အသီး စသီးပြီဆိုရင်ပထမဆုံးစသီးတဲ့ အသီး ကိုခူးပြီးအမဲအူဟင်းချက်ပါ။

အမဲအူဟင်း ရပြီဆိုတာနဲ့ငှက်ပျောဖက်မှာခင်းပြီးလေးခွဆုံမှာသန်းခေါင်မကျော်ခင်နာနာဘာဝများကိုလာရောက်စားသုံးဖို့ဖိတ်ခေါ်ပါ။စောင့်ကြည့်နေပါ။

ပုံထားတဲ့ အမဲအူဟင်း ဟာရုတ်တရက်အနံ့ပျောက်သွားပြီဆိုရင်ငှက်ပျောဖက်ကိုသိမ်းပြီးကိုယ်ထင်ပြရန်အမိန့်ပေးပါ။

အရေးကြီးတာကကိုယ်ထင်ထားသလိုမဖြစ်ဘဲထိတ်လန့်ကြောက်မက်ဖွယ်တွေပြလာမယ်ဆိုရင်အမဲအူဟင်းကိုပစ်ချခဲ့ပြီးနောက်ပြန်လှည့်မကြည့်ဘဲမိမိအိမ်သို့ပြန်ပါ။

မိမိအိမ်အဝင်မှာတံတွေးထွေး၍ဖိနပ်ကိုချွတ်ပြီးသုံးချက်ရိုက်ပါ။ထိုဖိနပ်ကိုနောက်ထပ်ဘဟ်တော့မှမစီးမိပါစေနဲ့။အကောင်းဆုံးကတော့မနက်မိုးလင်းတာနဲ့ဖိနပ်ကိုရေမျှောလိုက်ပါ။

၅။ကျောက်ပြင်ဖြင့် သရဲခေါ်နည်း

ဒီနည်းလမ်းကတော့လုပ်ရတာလွယ်ကူပေမယ့်ပါဝင်တဲ့ပစ္စည်းတွေရှာရခက်နိုင်ပါတယ်။

သရဲခေါ်နည်းဆိုတာထက် သရဲတွေကို မြင်အောင်လုပ်နည်းဆိုရင် ပိုမှန်ပါလိမ့်မယ်

ပထမဆုံးနွားသားပေါက်တဲ့အခါမွေးလာတဲ့နွားကိုမိခင်နွားမကြီးကလျှာနဲ့မလျက်ခင်ကပ်နေတဲ့အကျိအချွဲတွေကိုနှီးပြားနဲ့သပ်ချပြီးအခြောက်လှမ်းပါ။

ကိုယ်ဝန်သည်မိခင်များမီးမဖွားခင်ထွက်လာတဲ့ရေမြွာအရည်ကိုခွက်နဲ့အနည်းငယ်မျှခံထားပါ။

သေဆုံးသွားတဲ့အပျိုရဲ့ကျောက်ပြင်ကိုရှာပါ။ဒီသုံးမျိုးရရင်ဆေးဖော်လို့ရပါပြီ။

ဆေးဖော်စပ်ပုံကနွားအကျိအချွဲနဲ့ကျွန်းရွက်ပြာကိုရေမြွာရည်နဲ့နယ်ပါ။အနည်းငယ်မာလာလျှင်ဆေးတောင့်ပုံသွင်းပါ။ဆေးတောင့်ပုံရလျှင်အရိပ်ထဲမှာအထြောက်ခံပါ။

တစ်ပတ်ပြည့်လျှင်ထိုဆေးတောင့်ကိုသေသွားတဲ့အပျိုရဲ့ကျောက်ပြင်မှာကလေးငယ်ရဲ့ကျင်ငယ်ရေနဲ့သွေးပြီးမျက်လုံးမှာကွင်းလိုက်ပါ။

ဒါဆိုရင်မမြင်အပ်တာတွေကိုမြင်နိုင်ပါပြီ။